Vlahovic ironizon Gjeloshajn për ndikimin serb e rus

Ish-kryediplomati i Malit të Zi, Miodrag Vlahovic, ka ironizuar ministrin e zhvillimit ekonomik, Nik Gjeloshaj, për ndikimin e huaj malinj. Në një postim në X, Vlahovic i ka kërkuar Gjeloshajt të tregojë se si po përballon ndikimin serb e rus, duke e quajtur atë barrë të rëndë.

Gjeloshaj, i cili shërben në kabinetin e kryeministrit Milojko Spajic, kohët e fundit është përfshirë në një debat publik me ministren e arsimit për emërimin e një drejtoreje shkolle në Ulqin. Ai e ka cilësuar këtë si gjest albanofobie, ndërsa ministria e arsimit i ka hedhur poshtë pretendimet, duke thënë se drejtorja zotëron shqipen në nivelin e duhur.

Mali i Zi po përballet me tensione diplomatike pas një shkrimi të kryeministrit Spajic në X, ku ai pretendoi se dy shtete ballkanike kanë veprimtari malinje sabotimi ndaj vendit. Mediat malazeze thanë se bëhej fjalë për Shqipërinë dhe Serbinë, por pas reagimit të Shqipërisë, media publike malazeze raportoi se Spajic nuk kishte pretenduar për Shqipërinë.