Vilat e Ballukut shfaqen në Google Maps, qytetarët lënë komente ironike

Në platformën Google Maps janë shfaqur dy pika të shënuara me emrin e ish-zëvendëskryeministres Belinda Balluku, konkretisht në zonën e Palasës dhe të Gjipesë ose Gjilekës, çka ka nxitur reagime të shumta nga qytetarët. Këto objekte janë sekuestruar nga Prokuroria e Posaçme Antikorrupsion, ndërsa në hartë qytetarët kanë shpërthyer me komente ironike për mënyrën se janë ndërtuar.

Mes shkrimeve të lëna në platformë përfshihen fraza si «Kjo është një nga shtëpitë që ka investuar që të ndjehet e llastuar», «pamje e mrekullueshme, çdo gjë new generation», si dhe pretendime se pasuritë janë ngritur përmes taksave publike. Megjithatë, ajo që ka rënë në sy pas këtij zhvillimi është fakti se komentet e vendosura nga përdoruesit janë fshirë më pas.