Vidhen 210 statuja të Mozartit nga ekspozita në Salzburg

BOTË — Në Salzburg, gjatë një ekspozite kushtuar 270-vjetorit të lindjes së Mozartit, janë vjedhur 210 nga 320 statuja të arta që paraqesin Mozartin me qenin e tij.

Statujat, të krijuara nga artisti gjerman Ottmar Horl, ishin vendosur në kopshtin përpara shtëpisë së dikurshme të Mozartit, në hapësirat e banimit dhe në disa pavijone. Më shumë se 80 u zhdukën vetëm gjatë dy javëve të para.

Horl dyshon se bëhet fjalë për vjedhje të organizuar, jo për veprime të rastësishme të vizitorëve. Secila statujë ishte planifikuar të shitej pas ekspozitës për rreth 100 euro.

Burimet: Epoka e Re, Telegrafi.