Pse shqipja mbetet jashtë projektit nacional të inteligjencës artificiale?
Aleanca për Shqiptarët e quajti skandaloze përjashtimin e shqipes nga projekti nacional i inteligjencës artificiale 'Vezilka'.
SHKUP — Aleanca për Shqiptarët e vlerëson skandaloze përjashtimin e gjuhes shqipe nga projekti nacional "Vezilka", i përshkruar si hap historik për inteligjencën artificiale në Maqedoninë e Veriut. Sipas partisë, projekti ndërtohet tërësisht mbi model gjuhësor maqedonas, mbi korpus maqedonas dhe mbi institucione maqedonase të shtetit.
Nëse inteligjenca artificiale do të përdoret nesër në administratë, shëndetësi, arsim, drejtësi dhe shërbime publike, përjashtimi i shqipes sot rrezikon të bëhet diskriminim digjital nesër. Ky përjashtim nuk është zgjedhje teknologjike moderne, por vazhdum i politikës se vjetër të përjashtimit, e paketuar me terminologji evropiane dhe reformiste, sipas kritikës.
Aleanca për Shqiptarët e pyet përse Azir Aliu, ish-ministri i shoqërisë informatike që është sot në qeveri, nuk siguroi përfshirjen e shqipes. Partia thekson se nuk ka diqka më themeltar se pjesëmarrja në infrastrukturat strategjike të shtetit, e VLEN duhet të përgjigjet për këtë përjashtim.
VLEN nuk mbron shqipen në këtë iniciativë — po e digjitalizon heshtjen e vet, sipas ASH-it. Ky përjashtim në një projekt AI që do t'u shërbejë shqiptarëve në administratë dhe shërbime publike përmban përgjigjen se cili është kostoja reale i përjashtimit digjital të një popullsie.
Burim: Koha.mk
— Redaksia ZHURMA
Bisedoni
Komentet janë të hapura për anëtarët e Zhurma. Llogaria është falas — krijo një ose hyr në llogarinë tënde për me e thanë mendimin.