Kush ishte Alush Gashi, ish-ministri i Shëndetësisë që ndërroi jetë?
Lajmin e bëri të ditur djali i tij përmes një postimi në Facebook, duke njoftuar se detajet për ceremoninë do të publikohen më vonë.
PRISHTINË — Ish-ministri i Shëndetësisë dhe anëtar i Kryesisë së LDK-së, Alush Gashi, ka vdekur. Lajmin e konfirmoi djali i tij, Anil Gashi, nëpërmjet një postimi në Facebook.
"Të dashur miq, me dhimbje të thellë ju njoftojmë se ka ndërruar jetë më i dashuri ynë, Alush Gashi", shkroi Anil Gashi. Ai shtoi se familja, të afërmit dhe miqtë "do ta kujtojnë gjithmonë me dashuri, respekt dhe mirënjohje për jetën, veprën dhe kujtimet që la pas".
Për datën dhe vendin e ceremonisë mortore, Anil Gashi tha se do të njoftohen "me kohë".
Burim: Zëri, http://www.zeri.info/kronika/622785/vdes-ish-ministri-i-shendetesise-alush-gashi/
— Redaksia ZHURMA