Policia e Kosovës pa uniforma të reja që pesë vjet

Policia e Kosovës po përballet me mungesë të uniformave të reja për një periudhë pesëvjeçare. Kjo çështje është ngritur lidhur me kushtet dhe furnizimin e zyrtarëve policorë në terren.

Kryetari i Sindikatës së Policisë së Kosovës, Avdi Hoti, ka deklaruar se uniforma nuk është shpërndarë që nga viti 2021. Sipas tij, ka pasur shpërndarje vetëm aty ku ka pasur nevojë, por uniformë të rregullt, me shpërndarje qysh është me rregullore, deri më tani nuk ka pasur. Hoti ka shtuar se kjo vlen për policinë e rendit, ndërsa Policia e Njësive Speciale ka pasur furnizim vazhdimisht.

Lidhur me furnizimin e ardhshëm, Hoti ka shprehur besimin se në fund të tetorit ose në fillim të nëntorit do të bëhet furnizimi me uniformë, duke paralajmëruar se nëse kjo nuk ndodh, ata përsëri do të japing informata. Ndërkohë, një zyrtar policor, emri i të cilit është i njohur për redaksinë, ka deklaruar se uniformat janë të njëjta që prej tri vitesh.

Nga ana e tij, ish-drejtori i Policisë së Kosovës, Reshat Maliqi, ka theksuar se Policia ka për obligim të sigurojë me kohë sidomos uniformën e verës dhe të dimrit. Ai ka shpjeguar se në kohë të dimrit nuk ka mundësi që të punohet në terren me uniforma të verës, dhe ka shtuar se gjithmonë është hasur në telashe me vonesa të shumta të uniformës për arsye të lloj-llojshme që kanë ndodhur.

Përveç kësaj, sipas Maliqit, policia po përballet edhe me mungesë të hapësirave, pasi sipas tij ajo ka nevojë për objekte të reja për policinë.