Vdes fëmija i aksidentuar me trotinet elektrik në Gjilan
Si ndodhi vetaksidenti tragjik me trotinet elektrik në Gjilan që i mori jetën fëmijës pas dy javësh trajtimi në QKUK?
GJILAN — Një fëmijë ka ndërruar jetë të shtunën në Qendrën Klinike Universitare të Kosovës (QKUK), si pasojë e lëndimeve të rënda të marra nga një aksident me trotinet elektrik. Ngjarja tragjike kishte ndodhur më 8 qershor në rrugën “Pajazit Nushi” në Gjilan, ku fëmija ishte rrëzuar nga ky mjet.
Pas gati dy javësh beteje dhe trajtimi mjekësor në QKUK, fëmija fatkeqësisht nuk arriti t’u mbijetojë plagëve. Sipas policisë, trupi i pajetë i viktimës u është dorëzuar familjarëve me urdhër të prokurorit, ndërsa rasti është cilësuar nga organet e rendit si “Vetaksident trafiku me fatalitet”.
Kjo tragjedi riaktualizon shqetësimet për sigurinë e përdorimit të trotineteve elektrikë në Kosovë, veçanërisht kur ata përdoren nga fëmijët.
Burim: Insajderi
— Redaksia ZHURMA
