Vdes 19-vjeçar në aksident me motoçikletë në Prishtinë-Pejë
Policia dyshon se i riu është vetëaksidentuar; një person tjetër është nënë pritje
Një 19-vjeçar ka vdekur në një aksident trafik në rrugën magjistrale Prishtinë-Pejë, përkatësisht në fshatin Llazicë të Malishevës. Zëdhënësja e Policisë së Kosovës, Vlera Krasniqi, në një prononcim për gazetën Nacionale, ka dhënë detaje rreth aksidentit. Ajo ka njoftuar se dyshohet se i riu është vetëaksidentuar me motoçikletë.
Aksidenti ndodhi rreth orës 15:40. Menjëherë pas pranimit të informacionit, në vendin e ngjarjes kanë dalë njësitë përkatëse policore, si dhe ekipi mjekësor. Mjeku ka konstatuar në vendin e ngjarjes se drejtuesi i motoçikletës, mashkull 19-vjeçar, ishte pa shenja jete. Policia është duke i ndërmarrë veprimet e nevojshme hetimore për sqarimin e plotë të rrethanave të rastit, ka deklaruar Krasniqi.
Burim: Nacionale, https://nacionale.com/politike/vdes-nje-i-ri-ne-magjistrale-prishtine-peje-dyshohet-se-19-vjecari-u-veteaksidentua-me-motociklete — Redaksia ZHURMA