Vdekja e dyshimtë e foshnjës në Gjilan, Policia nis hetimet
Një foshnjë dy-muajshe ka ndërruar jetë në Emergjencën e Spitalit të Gjilanit, ndërsa rasti është cilësuar si vdekje e dyshimtë.
Redaksia ZHURMA · · Përditësuar · 1 min lexim
GJILAN — Një foshnjë dymuajshe ka ndërruar jetë pasi është sjellë për tretman mjekësor në Emergjencën e Spitalit të Gjilanit. Vdekjen e saj e ka konstatuar ekipi mjekësor. Rasti ka ndodhur në qytet, ndërsa Policia e Kosovës ka njoftuar se foshnja ishte dërguar për trajtim dhe më pas kishte ndërruar jetë. Me vendim të prokurorit, trupi i pajetë i viktimës është dërguar në Institutin e Mjekësisë Ligjore për obduksion, kurse rasti është iniciuar dhe cilësuar si vdekje e dyshimtë.
