Një turiste gjermane 33-vjeçare humb jetën në Palasë
Policia e Vlorës dhe prokuroria kanë nisur hetimet për ngjarjen e ndodhur të mërkurën rreth orës 11:45 në Qendrën Shëndetësore të Palasës.
VLORË — Një shtetase gjermane 33-vjeçare me iniciale M. S. ka humbur jetën më 30 korrik 2026 në Palasë të Vlorës, si pasojë e një arresti kardiak. Policia e Vlorës njoftoi se turistja kishte shfaqur probleme të papritura shëndetësore dhe nuk arriti të mbijetonte me gjithë ndihmën e dhënë mjekësore.
Sipas njoftimit zyrtar, Stacioni i Policisë Dhërmi u njoftua rreth orës 11:45 të asaj dite nga Qendra Shëndetësore e Palasës se gjermania ishte dërguar aty me shqetësime. Pavarësisht ndihmës së menjëhershme dhe përpjekjeve emergjente të personelit mjekësor, 33-vjeçarja nuk arriti të mbijetojë.
Grupi hetimor, nën drejtimin e Prokurorisë, ka kryer të gjitha veprimet procedurale në vendngjarje për të zbardhur rrethanat e plota. Paraprakisht dyshohet se bëhet fjalë për vdekje natyrale për shkak të arrestit kardiak, ndërsa hetimet e mëtejshme po vazhdojnë për të konfirmuar zyrtarisht shkakun e vdekjes.
Burim: IndeksOnline
— Redaksia ZHURMA