Pse u dënua me kusht truproja e Mickoskit?
I akuzuari pranoi fajësinë për lëndim trupor në seancën e sotme të Gjykatës Penale në Shkup.
SHKUP — Gjykata Penale Themelore ka dënuar me kusht truprojën e kryeministrit Hristijan Mickoski, të akuzuar për veprën penale "Lëndim trupor" sipas nenit 130 të Kodit Penal. I akuzuari, me iniciale R.R. nga Drejtoria e Gjashtë, pranoi fajësinë në seancën e sotme.
Gjykata i shqiptoi dënim me kusht prej një viti e gjashtë muajsh burgim, që nuk do të ekzekutohet nëse nuk kryen krim të ri brenda tre viteve. Vendimi u arrit në bazë të pranimit të fajësisë gjatë procedurës gjyqësore.
Incidenti ndodhi më 2 maj. Sipas buletinit të MPB-së, gruaja e tij 37-vjeçare raportoi se ishte sulmuar fizikisht në shtëpinë familjare, kërcënuar dhe i ishte dëmtuar telefoni celular. Oficerët e SPB Shkup e privuan nga liria atë natë në orën 23:00.
Burim: Telegrafi
— Redaksia ZHURMA