Trump zgjat gjendjen e jashtëzakonshme për Ballkanin Perëndimor
Pse e mban Uashingtoni në fuqi sanksionet që prekin edhe Kosovën?
UASHINGTON — Presidenti amerikan Donald Trump ka zgjatur edhe për një vit gjendjen e jashtëzakonshme kombëtare që lidhet me Ballkanin Perëndimor, përfshirë Kosovën. Vendimi, datuar 22 qershor 2026, u bë publik përmes Regjistrit Federal të ShBA-së dhe iu përcoll Senatit.
Masa bazohet në Urdhrin Ekzekutiv 13219, më pas zgjeruar me urdhrat 13304, 14033 dhe 14140. Dokumenti argumenton se individë dhe grupe të caktuara vazhdojnë të sfidojnë sovranitetin dhe integritetin territorial të vendeve të rajonit, të minojnë marrëveshjet pasluftë dhe të përfshihen në korrupsion të rëndë.
Kjo masë i jep autoriteteve amerikane kompetencën të vendosin sanksione ndaj personave dhe grupeve që konsiderohen rrezik për paqen, stabilitetin dhe proceset demokratike. Rinovimi është bërë i ditur vetëm dy ditë para se të skadonte afati i mëparshëm, më 26 qershor.
Administrata amerikane e rinovon çdo vit këtë gjendje që nga vendosja e saj. Zgjatja e re vjen në një moment kur Kosova po përballet me presion ndërkombëtar për zbatimin e marrëveshjeve të Brukselit dhe dialogun me Serbinë.
Burim: Klan Kosova
— Redaksia ZHURMA