Trimror Selimi kalon te OFK Petrovac
Pse zgjodhi sulmuesi kosovar të qëndrojë në Mal të Zi pas largimit nga Deçiç?
PODGORICË — Sulmuesi kosovar Trimror Selimi ka ndryshuar skuadër, por jo kampionat. Pas largimit nga Deçiç, ai është bashkuar me OFK Petrovac, duke mbetur kështu në Mal të Zi, njofton IndeksOnline.
Selimi kaloi një sezon të shkëlqyer me Deçiç, klubin shqiptar të Tuzit. Shifrat flasin qartë: 10 gola e 5 asistime në një sezon. Ai tani kalon te një skuadër që do të garojë në kualifikueset e Conference League.
"Sulmuesi anësor me përvojë, i cili ka dëshmuar cilësitë e tij në fushat e futbollit në Mal të Zi, nga sot do të veshë fanellën e klubit tonë", thuhet në njoftimin zyrtar të Petrovacit. Klubi theksoi se Selimi sjell "shpejtësi, kreativitet dhe eksperiencë".
Karriera e tij përfshin klube të shumta: KF Llapi, KF Prishtina, KF Ulpiana, KS Flamurtari Vlorë, FK Deçiç dhe tani OFK Petrovac. Sonte do të mësojë kundërshtarin për rrethin e parë të Conference League.
Burim: IndeksOnline
— Redaksia ZHURMA