Tre mërgimtarë nga Ferizaj humbën jetën në një aksident në Gjermani
Viktimat janë të moshës 16, 34 dhe 61 vjeçare nga fshati Komogllavë i Ferizajt, të cilët po ktheheshin në Gjermani pas pushimeve.
GJERMANI — Tre mërgimtarë shqiptarë nga fshati Komogllavë i Ferizajt kanë humbur jetën tragjikisht në një aksident komunikacioni në Gjermani, teksa po ktheheshin në vendin ku jetonin pas pushimeve në Kosovë. Ngjarja e rëndë ka prekur familjen e viktimave, ndërsa lajmi u bë i ditur nga familjarë dhe bashkëvendas të tyre përmes rrjeteve sociale.
Sipas njoftimeve të para, viktimat janë T.A., 61 vjeç, G.A., 34 vjeç dhe L.A., 16 vjeç, të cilët po udhëtonin drejt Gjermanisë. Deri më tani, autoritetet policore gjermane nuk kanë dhënë ndonjë detaj ose raport zyrtar lidhur me shkaqet apo rrethanat e këtij aksidenti fatal.
Burim: Tetova Sot
— Redaksia ZHURMA