Çfarë tha Toshkovski për arrestimin e udhëheqësit të rinisë së "Të Majtës"?
Pse ministri i Brendshëm e ka justifikuar arrestimin me bërtitje ndaj fëmijëve dhe jo me flamurin palestinez?
SHKUP — Ministri i MPB-së, Pançe Toshkovski, ka deklaruar sot se arrestimi i kryetarit të rinisë së partisë "E Majta", Andrej Kuçulovski, nuk ndodhi për shkak të flamurit palestinez që shfaqi në ndeshjen e Kampionatit Botëror të Hendbollit Shkollor midis Maqedonisë dhe Izraelit, por sepse ai bërtiti "vrasës, vrasës" fëmijëve 14 dhe 16 vjeç.
Gjatë interpelancës kundër tij në Kuvend, Toshkovski iu drejtua deputetes së "Të Majtës", Jovana Mojsoska: "Nuk doja ta ndaja këtë lloj informacioni me publikun, por ky është një fakt. Tani çfarë duhej të kishte bërë policia, t'ia kishte rregulluar flokët?". Në fund të prillit, Ministria e Brendshme kishte lëshuar një deklaratë duke e arsyetuar arrestimin me shfaqjen e flamurit palestinez dhe me parandalimin e dhunës.
Burim: Telegrafi
— Redaksia ZHURMA
