Tifozët e Spartakut fyejnë Kosovën në prani të Mirlind Dakut
Gjatë ndeshjes së Kupës së Rusisë, tifozët e klubit të ri të sulmuesit shqiptar shfaqën thirrje nacionaliste dhe flamuj me mbishkrime politike.
MOSKË — Tifozët e klubit rus Spartak i Moskës kanë shpalosur pankarta dhe kanë bërë thirrje fyese ndaj Kosovës dhe shqiptarëve në ndeshjen e Kupës së Rusisë ndaj Orenburgut. Në stadium ishte i pranishëm edhe sulmuesi shqiptar Mirlind Daku, i cili sapo u transferua te ky ekip.
Sipas videove të publikuara nga mediumi rus “Bombardir”, në tribuna u shpalos një flamur me mbishkrimin “Kosova është Serbi” dhe u dëgjuan thirrje “Kosova – Serbia”. Gjithashtu, pati mesazhe që vëllazërojnë rusët me serbët dhe kore fyese ndaj shqiptarëve.
Incidenti i ndodhur vetëm pak ditë pas transferimit të Dakut te Spartaku shfaq sërish përzierjen e sportit rus me agjenda politike. Sulmuesi shqiptar do të përballet me një ambient të vështirë për shkak të qëndrimeve të tifozërisë vendase.
Burim: Ekonomia Online
— Redaksia ZHURMA