Thuni nis edicionin 2026/27 me fitore 3-1 ndaj Luzernit
Mposhti Luzernin 3-1, Stefan Knezeviq shënoi në minutën e dytë
ZVICËR — Kampioni në fuqi i Zvicrës, Thuni, e ka nisur me fitore edicionin 2026/27 në elitën e futbollit zviceran. Thuni të shtunën mbrëma e mposhti Luzernin në udhëtim me rezultatin 3:1. Stefan Knezeviq e kaloi në epërsi Luzernin në minutën e dytë.
Reagimi ishte i shpejtë nga Thuni duke i barazuar shifrat, gjashtë minuta më pas. Për 1:1 shënoi Nico Maier. Golin e epërsisë 2:1 e realizoi Marc Gutbub në minutën e 51-të. Ndërsa golin e tretë për mysafirët e shënoi Nicolas Burgy në minutën e 84-t.
Valmir Matoshi te Thuni në lojë u inkuadrua në minutën e 61-të, kurse Dorian Derbaci, luajti deri në minutën e 74-t. Ndërkohë te Luzerni në portë ishte Simon Simoni. Burim: Koha.net, https://www.koha.net/futboll/kampioni-i-zvicres-e-nis-me-fitore-edicionin-e-ri
— Redaksia ZHURMA