Tetova n'festë 2026 vazhdon me programin muzikor
Koncerte me 2TON, Nora Istrefi dhe Majk; turne futbolli dhe basketbolli
TETOVË — Tetova vazhdon të jetojë atmosferën e manifestimit veror "Tetova n'festë 2026". Programi vazhdon në rrugën "Boris Kidriç" me koncerte nga 2TON, Nora Istrefi, Majk, Emrah Brah, Blleki dhe DJ Bata.
Manifestimi do të vazhdojë edhe në ditët në vijim me koncerte, net rinore, gara sportive, turne futbolli e basketbolli, karate, bilardo, crossfit, water polo, ekspozita, panele diskutimi, kinema të hapur, aktivitete për fëmijë dhe mbrëmje folklorike.
Sipas Komunës së Tetovës, edicioni i sivjetëm është më i pasuri i organizuar deri më tani, me fokus jo vetëm te koncertet, por edhe te promovimi i sportit, kulturës, filmit, folklorit dhe artistëve vendorë.
Manifestimi "Tetova n'festë 2026" do të mbyllet më 4 gusht me turneun tradicional të basketbollit rrugor "Street Basket". Vera Tetovare filloi më 11 korrik, këtë vit janë planifikuar mbi 40 aktivitete të ndryshme për të gjitha grupmoshat.
Burim: Portalb.mk
— Redaksia ZHURMA