Kush janë tetë policët e Kosovës që morën Medalje për Shpëtim Jete?

PRISHTINË — Tetë zyrtarë të Policisë së Kosovës u dekoruan me Medalje për Shpëtim Jete për guximin dhe profesionalizmin e treguar gjatë ndërhyrjeve për shpëtimin e jetëve njerëzore. Dekorimi u bë nga ministri në detyrë i Punëve të Brendshme, Xhelal Sveçla, pas rekomandimit të drejtorit të përgjithshëm të policisë, Gazmend Hoxha.

Sveçla tha se policët "me aktin e tyre human e fisnik, duke rrezikuar vetveten, i dhanë kuptim misionit të Policisë së Kosovës". Ai shtoi se veprimet dëshmojnë vlera humane që "ndërveprojnë me detyrën dhe përgjegjësinë zyrtare".

Hoxha i cilësoi veprimet si "akt të jashtëzakonshëm guximi dhe humanizmi" dhe theksoi se policët "nuk hezituan në asnjë sekondë" për të shpëtuar jetë në momente kritike.

Burim: Telegrafi, https://telegrafi.com/tete-zyrtare-policore-nderohen-per-guxim-dhe-heroizem/
— Redaksia ZHURMA