Pse rrezikohet transferimi i Ter Stegenit te Ajax?
Marrëveshja për huazimin njëvjeçar e portierit 34-vjeçar mund të dështojë për shkak të rrethanave personale të ndërlikuara të lojtarit.
Transferimi i Marc-Andre ter Stegen te Ajax Amsterdam është vënë seriozisht në pikëpyetje për shkak të disa rrethanave personale të ndërlikuara të vetë lojtarit. Sipas mediumit holandez De Telegraaf, procesi i kalimit të portierit gjerman është ngadalësuar ndjeshëm, duke krijuar rrezikun që marrëveshja të dështojë plotësisht.
Deri së fundmi, Ajaxi, Barcelona dhe lojtari 34-vjeçar kishin dhënë pëlqimin për një huazim njëvjeçar në Eredivisie, ku të gjitha detajet konsideroheshin të dakorduara. Megjithatë, zhvillimet e fundit kanë komplikuar situatën, ndaj mbetet e paqartë nëse transferimi do të realizohet pas një vonese apo do të anulohet.
Burim: Telegrafi
— Redaksia ZHURMA