Pse protestuan qytetarët në Skënderaj dhe çfarë paralajmërojnë?
Protestuesit u kërkuan sqarime Njësisë Speciale për praninë në qytet, pas një plani operativ të Policisë së Kosovës.
SKËNDERAJ — Qytetarët e grumbulluar para Stacionit Policor në Skënderaj u shpërndanë mbrëmjen e së enjtes, por paralajmëruan se do të vazhdojnë reagimet edhe të premten.
Një grup qytetarësh u pa në qendër të qytetit, përballë pjesëtarëve të Njësisë Speciale, duke kërkuar sqarime për praninë e tyre. “Policia s’po kthen përgjigje, nesër vazhdojmë”, deklaruan disa prej tyre para largimit.
Policia e Kosovës më herët kishte thënë se vendosja e njësive speciale lidhet me një plan operativ, pa dhënë detaje të tjera.
Burim: Gazeta Express
— Redaksia ZHURMA