Si u përball një çift bashkëshortor me dhunën seksuale në luftë?
Mirlinda Sada nga Medica Gjakova tregon për dokumentarin 'Zërat e Reziliencës' dhe historinë e një çifti të dhunuar seksualisht gjatë luftës.
GJAKOVË — Drejtoresha e Medica Gjakova, Mirlinda Sada, ka zbuluar detaje tronditëse nga dokumentari “Zërat e Reziliencës”, i cili sjell pesë rrëfime të të mbijetuarve të dhunës seksuale gjatë luftës në Kosovë. Në një intervistë për emisionin “Kosova Live” në T7, Sada tregoi se një nga historitë më të rënda përfshin një çift bashkëshortor që u ndanë nga forcat serbe.
Ata u dërguan në ambiente të ndryshme ku u përballën me dhunë seksuale, ndërsa sot familjarët e burrit ende nuk dinë gjë për përjetimin e tij. Për shkak të traumës dhe stigmës, ai shfaqet në dokumentar pa identitet, duke dëshmuar vetëm me zërin e tij. Kjo përpjekje vjen për të thyer heshtjen, ashtu siç bëri edhe ekspozita 'Sy më sy' e QKRMT-së.
Burim: Gazeta Express
— Redaksia ZHURMA
