Si u pensionua volejbollistja Blinera Jaha nga Kombëtarja e Kosovës?
Volejbollistja e njohur u përshëndet me Kombëtaren e Kosovës pas një ceremonie të mbushur me lot e mirënjohje në Prishtinë.
PRISHTINË — Volejbollistja e njohur e Kosovës, Blinera Jaha, ka përfunduar kapitullin me përfaqësuesen shtetërore. Jaha zhvilloi ndeshjen e saj të fundit, duke u përshëndetur mes emocionesh të shumta në një ceremoni speciale të organizuar në nder të saj nga bashkëlojtaret, familjarët dhe miqtë e volejbollit.
Gjatë kësaj mbrëmjeje festive, kontributi shumëvjeçar i lojtares u vlerësua lart për prezantimin e Kosovës në arenën vendore dhe ndërkombëtare. Jaha e nisi rrugëtimin nga Akademia “Drita”, për to arritur deri në paraqitje në nivelin elitar të volejbollit evropian.
Presidenti i Federatës së Volejbollit të Kosovës, Bahri Gjinovci, i dorëzoi asaj një mirënjohje të veçantë për përkushtimin e treguar ndër vite. Ky moment u shoqërua edhe me një tortë simbolike me numrin 6, të cilin volejbollistja e mbajti me krenari përgjatë gjithë karrierës me Kombëtaren.
Federata dhe komuniteti sportiv e falënderuan atë për çdo sakrificë, pikë dhe emocion të dhuruar përgjatë viteve. Përkushtimi i saj në fushë vlerësohet lart për ngritjen e nivelit të këtij sporti në vend.
Ndonëse karriera e saj me Kombëtaren përfundon këtu, emri i Blinera Jahës do të mbetet i shkruar përjetësisht në historinë e volejbollit kosovar. Ajo lë pas një trashëgimi të pasur për brezat e rinj që synojnë të ndjekin hapat e saj.
Burim: IndeksOnline
— Redaksia ZHURMA
