Si po dështon sistemi i futbollit të grupmoshave në Maqedoni?

Shkup — Përfaqësimi U15 i Maqedonisë humbi 4:1 ndaj Shqipërisë, pastaj 2:0. Rezultatet katastrofale të grupmoshave nuk janë më rastësi. Ato janë pasojë e një sistemi të çorganizuar dhe pa përgjegjësi. Normalizimi i dështimit dhe heshtja pas tij tregojnë problem jo në një ndeshje, por në gjithë strukturën e futbollit të rinisë.

Pyetja është thjeshtë: se kush po e bën përzgjedhjen dhe mbi çfarë kriteresh? Lojtarë të spikatur në klube qëndrojnë jashtë pa arsye të shpjeguara. Përzgjedhja duket më shumë subjektive sesa sportive. Këto dështime nuk e ngacmojnë askush në sistemin e federatës; në çdo federatë serioze futbolli, përgjegjësia do të ndjekej me analiza, masa dhe dorëheqje.

Dështimi nuk është i izoluar. U15, U17 dhe kategoritë tjera prodhojnë të njëjtat rezultate. Ky nuk është problem i një gjenerate, por kolaps i modelit të gjithë strukturës. Nëse grupmoshat nuk po përgatisin lojtarë për nivel të lartë garimi, atëherë kemi problem sistemik që kërkon ndërhyrje të menjëhershme.

Presidenti Masar Omeragiq dhe drejtori sportiv nuk mund të sillen sikur kjo nuk po ndodh. Dorëheqja e stafit përgjegjës nuk do të ishte dramë; do të ishte akt minimal dinjiteti profesional. Të qëndruar në post gjatë kolapsit të rinisë futboliste nuk është ruajtje e qeverisjes, por mbulim.

Futbolli i shtetit nuk mund të ndërtohet mbi improvizim, lidhje apo heshtje përballé dështimit. Çdo vit i humbur me këtë logjikë është brez i humbur. Modeli duhet të rrëzohet dhe të rindërtohet nga themeli, përndryshe shkolla e futbollit do të vazhdojë të prodhojë dështim.

Burim: Tetova Sot
— Redaksia ZHURMA