Si festojnë David e Victoria përvjetorin pa respektuar kërkesën e Brooklyn?
Brooklyn kishte kërkuar që çdo komunikim me prindërit të kalonte vetëm përmes avokatëve, sipas mediave britanike.
LONDËR — David dhe Victoria Beckham festuan 27-vjetorin e martesës me dedikime romantike në rrjetet sociale, pavarësisht tensionit me djalin e tyre Brooklyn. Sipas mediave britanike, ai u kishte kërkuar prindërve të mos publikonin postime për të dhe të mos e etiketonin në rrjetet sociale, madje kërkonte që çdo komunikim të bëhej përmes avokatëve të tij. David nuk e respektoi këtë kërkesë.
Ish-futbollisti anglez postoi një seri fotografish me Victorian, nga dita e dasmës deri te festimet e 50-vjetorit të tij. "29 vite së bashku, 27 vite të martuar dhe më ke dhënë gjithçka që mund të dëshiroja. Arritja jonë më e madhe do të jetë gjithmonë familja jonë," shkroi Beckham në dedikimin e tij.
Victoria ndau edhe ajo mesazhe të ngrohtë, duke publikuar një fotografi ku e puth në faqe. "Pas 27 vitesh martesë, katër fëmijëve të mrekullueshëm dhe një pafundësie veshjesh të kombinuara, ti je ende gjithçka për mua. Gëzuar përvjetorin! Të dua shumë," shkroi ajo, duke përmendur Brooklyn, Romeo, Cruz dhe Harper.
Çifti mori urime nga personalitete të njohur, përfshirë shefin e kuzhinës Gordon Ramsay dhe aktoren Eva Longoria, kumbara e dy prej fëmijëve të tyre.
Marrëdhënia mes Brooklyn dhe prindërve të tij është përfolur gjatë muajve të fundit. Në fillim të këtij viti, ai i akuzoi publikisht se kishin tentuar ta kontrollonin dhe të dëmtonin marrëdhënien e tij me bashkëshorten Nicola Peltz. David dhe Victoria kanë theksuar vazhdimisht se i duan të gjithë fëmijët e tyre.
Burim: IndeksOnline
— Redaksia ZHURMA