Shtëpia e Bardhë diskutohet fati i Sekretarit të Tregtisë Howard Lutnick

Zyrtarë të lartë të Shtëpisë së Bardhë kanë nisur diskutimet nëse Sekretari i Tregtisë Howard Lutnick duhet të shkarkohet, pas skandalit të fundit të lidhur me kompaninë Nvidia dhe pretendimet për spiunazh. Një numër gjithnjë e në rritje ligjvënësish e kanë kritikuar Lutnickun për refuzimin e përfshirjes së dhjetëra kompanive kineze në një listë të zezë tregtare të Shteteve të Bashkuara të Amerikës, si dhe për pikëpyetjet rreth mbikëqyrjes së eksporteve të çipave të inteligjencës artificiale drejt Kinës.

Presioni ndaj sekretarit të Tregtisë u shtua pas dorëheqjes së Jensen Huang nga pozita e drejtuesit ekzekutiv të prodhuesit të çipave Nvidia, pasi u zbulua se ai ishte në një lidhje me Alice Huang, e cila dyshohet nga autoritetet amerikane se spiunon për Pekinin. Pavarësisht kritikave se Lutnick nuk ka bërë mjaftueshëm për të kufizuar dërgesat e teknologjisë së avancuar në Kinë, një zyrtar i Shtëpisë së Bardhë tha se Presidenti Donald Trump «ruan besim të plotë tek sekretari dhe aftësia e tij për të ushtruar këtë pozicion».