Politikë
SHQ
Qeveria miraton në parim huanë ushtarake 302 milionë dollarëshe me SHBA
Për çfarë do të përdoren 302 milionë dollarët e huasë direkte nga Uashingtoni?
Redaksia ZHURMA
19:52
1 min lexim
TIRANË — Këshilli i Ministrave ka miratuar sot në parim një marrëveshje huaje direkte me Shtetet e Bashkuara të Amerikës. Kjo marrëveshje, e lidhur në kuadër të programit të financimit të jashtëm ushtarak (FMF), kap një shumë totale prej 302 milionë dollarësh.
Marrëveshja do të realizohet ndërmjet Ministrisë së Financave të Shqipërisë dhe Agjencisë së Bashkëpunimit për Sigurinë e Mbrojtjes (DSCA) të SHBA-së. Fondet synojnë mbështetjen e kapaciteteve mbrojtëse dhe forcimin e bashkëpunimit ushtarak, në një kohë kur marrëdhëniet dhe lidhja SHBA-Shqipëri po njohin zhvillime të reja në fushën e sigurisë.
Burim: ATSH
— Redaksia ZHURMA