Shpat Deda interpreton këngët e Coldplay nën qiellin e Prishtinës
Muzikantët Visar Kuçi, Tomor Kuçi, Viola Rrecaj dhe Granit Havolli iu bashkuan kantautorit në skenën e hapur nën qiellin e verës.
PRISHTINË — Kantautori Shpat Deda ka interpretuar këngët e grupit të njohur të muzikës alternative "Coldplay", në një koncert të veçantë të organizuar nën qiellin e hapur të Prishtinës. Mbrëmja e konceptuar si një takim mes adhuruesve të muzikës u karakterizua nga interpretimi i përbashkët i këngëve që kanë shoqëruar breza të tërë.
Përveç Dedës në vokal dhe kitarë, në skenë performuan edhe muzikantët Visar Kuçi në bas kitarë, Tomor Kuçi në kitarë elektrike, Viola Rrecaj në tastierë dhe Granit Havolli në tupana. Instrumentistët sollën pjesë nga identiteti i tyre artistik duke ruajtur me saktësi frymën dhe harmoninë karakteristike të Coldplay.
Burim: KultPlus
— Redaksia ZHURMA
