Shkupi kujton tërmetin e vitit 1963 me shëtitje falas
Nesër zhvillohet një shëtitje panoramike me autobus, që u mundëson qytetarëve të njohin Shkupin ashtu siç ishte para tërmetit
SHKUP — Me rastin e përvjetorit të tërmetit katastrofal që goditi Shkupin në vitin 1963, nga "Qyteti i Shkupit" informojnë se nesër do të organizohet një shëtitje panoramike falas nëpër Shkup. Turi do të zhvillohet me autobus panoramik, ku përmes një udhërrëfyesi profesional turistik nga Shoqata Maqedonase e Guidave dhe Shoqëruesve Turistikë, qytetarët e interesuar, siç njoftojnë nga "Qyteti i Shkupit", do të kenë mundësi të njihen me Shkupin ashtu siç ka qenë para tërmetit, të dëgjojnë histori për objektet që janë shkatërruar, si dhe për lokacionet që në atë kohë e kanë formësuar pamjen e qytetit.
Ngjarja do të mbahet nesër, ndërsa nisja do të jetë në orën 10:00 nga Porta "Maqedonia". Qytetarët e interesuar mund të paraqiten në numrin e telefonit +389 71 250 419.
Burim: Alsat-M, alsat.mk
— Redaksia ZHURMA
