Shkëndija luan sonte në Lubjanë — portieri Gaje dhe Meliqi në dyshim

LUBJANË — Shkëndija e Tetovës do të luajë sonte, me fillim nga ora 20:45, ndeshjen e parë ndaj skuadrës sllovene Bravo në kuadër të xhiros së dytë kualifikuese të Ligës së Konferencës. Kuqezinjtë kanë kryer përgatitjet dhe kanë zhvilluar stërvitjen e fundit në stadiumin “Stozhice” të Lubjanës, aty ku do të kërkojnë një rezultat pozitiv.

Trajneri Artim Pollozhani synon ta mbajë kualifikimin të hapur për ndeshjen e kthimit, e cila do të luhet javën e ardhshme në arenën “Todor Proeski” në Shkup. Kjo është hera e dytë që Shkëndija përballet me një rival slloven në Evropë, pas sfidës së vitit 2021 me ekipin Mura.

Për këtë duel, portieri Gaje dhe mbrojtësi Anes Meliqi janë në dyshim për shkak të dëmtimeve dhe me shumë gjasa do të mungojnë. Në anën tjetër, Sebastian Spahiu është stërvitur me intensitet të plotë dhe do të jetë në dispozicion për lojë.

Burim: Shenja
— Redaksia ZHURMA