Shkëndija sfidon Hibernianin në Skoci — trajneri Pollozhani mbërriti vetëm sot
Nënkampionët e Maqedonisë së Veriut do të luajnë pa portierin Gaje dhe mbrojtësin Dimoski, të cilët janë të dëmtuar.
EDINBURG — Klubi futbollistik Shkëndija e Tetovës do të përballet sonte me Hibernianin në Skoci, në kuadër të ndeshjes së parë të raundit të tretë kualifikues për Ligën e Konferencës. Ndeshja luhet në stadiumin “Easter Road” me fillim nga ora 21:00, ku skuadra tetovare synon një rezultat pozitiv para sfidës së kthimit në Shkup.
Ekipi udhëtoi pa portierin Gaje dhe mbrojtësin e majtë Dimoski për shkak të dëmtimeve, ndërsa trajneri Artim Pollozhani u bashkua me lojtarët vetëm në ditën e ndeshjes për shkak të vonesave me vizën. Kjo është përballja e dytë e tetovarëve me një skuadër skoceze, pas barazimeve ndaj Aberdinit në vitin 2015.
Burim: Shenja
— Redaksia ZHURMA
