Shala: Vrasja e Arlinda Zekajt në Pejë tronditi shoqërinë

Vrasja e Arlinda Zekajt në fshatin Vitomiricë të Pejës ka tronditur vendin gjatë javës së fundit të muajit tetor. Viktima kishte ndjekur të gjitha procedurat dhe i ishte drejtuar institucioneve të sigurisë, prokurorisë dhe gjyqësisë për të mbrojtur jetën e saj dhe të drejtën për tu kujdesur për të birin.

Sipas shkrimeve të publikuara, ajo u vra me sëpatë në mënyrë brutale brenda shtëpisë së saj, në prani të djalit, pavarësisht përpjekjeve dhe këmbënguljes së saj të vazhdueshme për të shmangur tragjedinë përmes rrugëve ligjore. Ngjarja ka dëshmuar se si strukturat e sundimit të ligjit nuk funksionuan si duhet në raport me një qytetar të rrezikuar.