Sejdiu: Thaçi, Veseli, Krasniqi e Selimi lirohen më 16 shtator
Sipas tij, LVV dhe PDK s'kanë interes për zgjidhje institucionale para kësaj date, ndërsa kryeministri Kurti kalkulon edhe me vendimin e Gjykatës Speciale.
PRISHTINË — Opinionisti Dardan Sejdiu u shpreh i bindur se ish-krerët e UÇK-së, Hashim Thaçi, Kadri Veseli, Jakup Krasniqi dhe Rexhep Selimi, do të lirohen më 16 shtator. "Mendoj se ky ka qenë një prej budallaqeve më të mëdha në këtë proces, sepse për çka janë ftuar atje është dëshmuar se nuk ka ndodhur," tha ai në emisionin "Rubikon" të Klan Kosovës.
Sipas Sejdiut, "nuk ka nguti": LVV dhe PDK nuk janë të interesuara për zgjidhjen e çështjes së institucioneve para datës 16 shtator. "Besoj shumë që zoti Kurti kalkulon edhe me vendimin e Gjykatës," tha ai, duke iu referuar kryeministrit Albin Kurti dhe Gjykatës Speciale.
Sipas Sejdiut, deri në atë periudhë Kosova nuk pritet të ketë president të ri, por do të vazhdojë me ushtrues detyre të presidentit. Ai theksoi se vendimin e Gjykatës Speciale për ish-krerët e UÇK-së e presin të gjitha partitë politike.
Burim: Epoka e Re
— Redaksia ZHURMA