Sedat Bashota arrestohet në Maqedoninë e Veriut — kërkohej nga Gjermania
Pronari i kompanisë 'Alliance Kosovo' nga Mitrovica kërkohej me urdhër-arrest nga Gjermania dhe u prangos në kufi.
SHKUP — Policia e Maqedonisë së Veriut ka arrestuar para disa ditësh biznesmenin kosovar Sedat Bashota, i cili po kërkohej me një urdhër-arrest ndërkombëtar të lëshuar nga Gjermania. Bashota u ndalua nga autoritetet maqedonase në pikën kufitare, teksa po tentonte të hynte në këtë shtet nga territori i Kosovës.
Ministria e Punëve të Brendshme e Maqedonisë së Veriut ka konfirmuar rastin, por nuk ka pranuar të japë detaje shtesë rreth akuzave gjermane. Megjithatë, institucioni ka bërë të ditur se të gjitha të dhënat mbi këtë rast tashmë u janë dorëzuar shërbimeve kompetente të Kosovës.
Bashota është gjithashtu aksionar me 25 për qind në kompaninë 'Group-AMB Sh.P.K.', e cila zotëron qendrën tregtare 'Lux Mall' në Mitrovicë. Sipas informacioneve të fundit, biznesmeni kosovar vazhdon të mbahet në paraburgim nga policia maqedonase, në pritje të procedurave të mëtejshme lidhur me kërkesën për ekstradim nga autoritetet gjermane.
Burim: Insajderi
— Redaksia ZHURMA