Salihaj: Asnjë banor i edicionit të ri nuk po ma tërheq vëmendjen

I ftuar në një emision televiziv, spektakli i njohur televiziv është komentuar nga ish-konkurrentja Monika Salihaj, e cila ka ndarë përshtypjet e saj lidhur me edicionin e sivjetmë. Salihaj ka deklaruar se deri në këtë fazë asnjëri nga banorët nuk ka arritur t'ia tërheqë vëmendjen, duke kërkuar një lojtar me integritet dhe karakter të fortë. Ajo ka veçuar maturinë e Vjollcës, por ka shtuar se ajo nuk është për lojë. Në të njëjtën linjë ka qenë edhe Behije Lushaj, e cila ka vlerësuar se është ende herët për t'i identifikuar lojtarët më të mirë, duke shtuar se banorët kanë hyrë në shtëpi duke kopjuar edicionet e kaluara pa treguar vetveten e tyre të vërtetë. Gjatë diskutimit është trajtuar edhe largimi i Behares, për të cilin Salihaj është shprehur se e beson arsyen e dhënë për fëmijët.