Rudolf von Ottenfeld përjetëson shqiptarët nën sundimin osman

VJENË — Piktori ushtarak austriak, Rudolf Otto von Ottenfeld, ka përjetësuar shqiptarët dhe veshjet e tyre tradicionale nëpërmjet veprave të realizuara në kapërcyell të shekujve 19-të dhe 20-të. Këto piktura pasqyrojnë me besnikëri të lartë kostumet tradicionale, armët dhe tiparet dalluese të popullsisë shqiptare nën sundimin osman.

Artisti i lindur në Veronë më 21 korrik 1856, i cili vdiq më 26 korrik 1913 në Pragë, ishte një nga anëtarët themelues të Secessionit të Vjenës. Ai gjithashtu shërbeu si profesor në Akademinë e Arteve të Bukura në Pragë dhe më parë studioi nën mbikëqyrjen e mjeshtrave Karl Wurzinger dhe Leopold Carl Muller.

Ottenfeld jetoi në Mynih gjatë viteve 1883–1893, ku në vitin 1892 u zgjodh në jurinë e Ekspozitës së Gjashtë Ndërkombëtare të Artit. Ilustrimet e tij të vitit 1895 mbi historinë e ushtrisë austriake midis viteve 1700 dhe 1867 u bënë një vepër standarde referimi për uniformat e asaj periudhe.

Veprat e tij vijnë si testament shpirtëror i banorëve shqiptarë që jetuan nën sundimin osman, duke sfiduar kohën dhe vështirësitë. Detajet e kostumeve, ngjyrat e gjalla dhe armët e pikturuara dëshmojnë madhështinë dhe krenarinë e tyre përmes një mishërimi të reales që ruhet edhe sot në koleksione të ndryshme.

Burim: Dielli
— Redaksia ZHURMA