Rritet interesimi për armë me leje, mbi 20 mijë kërkesa në MPB
Ministria e Punëve të Brendshme ka shqyrtuar mbi 20 mijë kërkesa për leje armësh gjatë 18 muajve të fundit.
Redaksia ZHURMA · · 1 min lexim
Interesimi i qytetarëve për t'u pajisur me leje për armë ka shënuar rritje, ku brenda 18 muajve janë paraqitur dhe shqyrtuar mbi 20 mijë kërkesa nga Ministria e Punëve të Brendshme, ndërsa më pak se gjysma e tyre kanë marrë miratimin përkatës. Sipas të dhënave të institucionit, rreth 9 mijë kërkesa kanë përfunduar me përgjigje pozitive, duke synuar një trajtim më efikas administrativ dhe realizim në kohë të të drejtave të qytetarëve.
Gjatë vitit 2026 janë paraqitur rreth 8 mijë kërkesa për marrjen e lejes për posedimin e armëve, ku pjesa më e madhe e aplikimeve ka qenë për leje për armë gjahu. Krahasuar me vitet paraprake, është vërejtur një rritje e numrit të kërkesave të paraqitura, ndërsa autoritetet kanë vepruar intensivisht për përshpejtimin e procedurave administrative.
