Kush do të drejtojë edicionin e katërt të Festivalit të Këngës në RTK?
Bordi i RTK-së miraton me 6 vota pro emërimin për edicionin e katërt të festivalit.
PRISHTINË — Bordi i Radiotelevizionit të Kosovës e ka miratuar emërimin e Rilind Gërvallës në pozitën e drejtorit të Festivalit të Këngës në RTK për edicionin e katërt, i cili do të organizohet gjatë vitit 2026. Vendimi u mor të hënën me 6 vota pro, 1 kundër dhe 2 abstenime, sipas propozimit të ushtrueses së detyrës së Drejtoreshës së Përgjithshme, Zana Spahiu.
Në të njëjtën mbledhje, Bordi shqyrtoi gjendjen financiare të RTK-së dhe masat e ndërmarra nga menaxhmenti. Në komunikatë thuhet se Bordi i dha mbështetje të plotë Spahiut "për angazhimet institucionale drejt gjetjes së zgjidhjeve për tejkalimin e situatës aktuale financiare deri në konstituimin e Kuvendit të Republikës së Kosovës."
Bordi shqyrtoi gjithashtu raportin mujor të punës për prill 2026, gjetjet e auditimit të ZKA-së për vitin 2025 dhe planin e veprimit për rekomandimet.
Burim: Zëri
— Redaksia ZHURMA
