Reintke: Pengesë për BE-në është korrupsioni, jo protestat

Eurodeputetja Terry Reintke ka shprehur solidaritetin me qytetarët që protestojnë në Shqipëri kundër qeverisë, duke theksuar se protestat paqësore nuk përbëjnë pengesë për integrimin evropian. Sipas saj, problemi që bllokon rrugën drejt Bashkimit Evropian është korrupsioni, moszbatimi i legjislacionit evropian dhe mosrespektimi i shtetit të së drejtës.

Ajo ka nënvizuar se mbështetja për qytetarët që kërkojnë ndryshim do të vazhdojë, duke vlerësuar rëndësinë e protestave për mbrojtjen e të drejtave dhe forcimin e demokracisë. «Nuk janë protestat paqësore ato që pengojnë anëtarësimin në BE. Janë qeveritë ato që nuk zbatojnë legjislacionin e BE-së, që janë të korruptuara dhe që nuk respektojnë shtetin e së drejtës», u shpreh eurodeputetja.

Reintke theksoi gjithashtu se kërkesat e qytetarëve lidhen edhe me nevojën për një demokraci funksionale, duke synuar mbrojtjen e bregdetit shqiptar dhe garantimin e të drejtave. «Jo vetëm për të mbrojtur bregdetin e bukur shqiptar, por edhe për të pasur një demokraci të vërtetë, që mbron të drejtat e qytetarëve, garanton shtetin e së drejtës dhe hap rrugën drejt anëtarësimit në BE», deklaroi ajo.