Reforma e PS: gjashtë klube futbolli në rrezik
Projektligji parashikon 61 bashki në 46, duke kërcënuar financimin e skuadrave që varen nga bashkitë e bashkuara.
TIRANË — Deputetët e Partisë Socialiste kanë depozituar në Kuvend projektligjin për riorganizimin e pushtetit vendor, i cili parashikon uljen e bashkive nga 61 në 46, pa prekur 12 qarqet. Propozimi i ri pritet të godasë disa klube futbolli që financohen drejtpërdrejt nga bashkitë që do të shkrihen.
Sipas projektligjit, bashkimet parashikohen mes Fushë-Arrëzit, Klosit, Rrogozhinës, Dimalit, Poliçanit, Patosit, Divjakës, Selenicës, Maliqit, Këlcyrës, Memaliajit, Libohovës, Cërrikut, Belshit dhe Përrenjasit. Ekzistenca e gjashtë skuadrave është në pikëpyetje: Maliqi, Albpetroli i Patosit, Këlcyra, Memaliaj, Turbina e Cërrikut dhe Osumi i Dimalit, që garojnë në Kategorinë e Dytë ose atë të Tretë.
Aktualisht këto klube mbështeten nga bashkitë përkatëse. Rrishikimi i strukturës administrative rrezikon të prishë mënyrën e financimit të tyre, në një kohë kur shumë ekipa të kategorive të ulëta varen nga fondet publike lokale. Rasti i Rrogozhinës është i veçantë: Egnatia është në pronësi private të presidentit Agim Demrozi dhe nuk varet nga bashkia.
Nëse reforma miratohet në formën aktuale, klubet e kategorive të ulëta do të përballen me një sfidë të madhe për të siguruar vazhdimësinë. Pushteti vendor ka qenë deri tani burimi kryesor i fondeve për aktivitetin sportiv të disa prej tyre, megjithëse jo të gjitha zonat që preken nga reforma kanë ekipe aktive futbolli.
Burim: Top Channel
— Redaksia ZHURMA
