Rama flet për fitoren e Shqipërisë mes liderëve europianë

Fitorja e Kombëtares kuqezi ndaj Finlandës me rezultatin 2-0 është kthyer në qendër të vëmendjes gjatë takimit të Komunitetit Politik Europian. Kryeministri Edi Rama ka ndarë një episod nga mbrëmja e tij, duke treguar se në darkën ku ishte i pranishëm ndodhej në të njëjtën tavolinë me kryeministren italiane Giorgia Meloni dhe kryeministrin e Finlandës.

Sipas kryeministrit, atmosfera në darkë u bë më interesante pas suksesit të kuqezinjve dhe fitores së Italisë ndaj Francës. Ai tregoi se në tavolinën ngjitur ndodhej presidenti francez Emmanuel Macron, ndërsa rezultatet e ndeshjeve u lidhën me bisedat mes liderëve. «Nuk ka fjalë për t’i falënderuar çunat e Kombëtares kuqezi, se na dhanë një fitore fantastike me Finlandën dhe ndërkohë Italia fitoi me Francën, e merrni vetë me mend sesi shkoi muhabeti», u shpreh Rama, i cili shtoi se mbrëmjen e kishte mbyllur bashkë me motrën e tij.