Rama: Chay Bowes është klloun i propagandës ruse i sanksionuar nga BE
Kryeministri Edi Rama ka reaguar pas sanksioneve të Bashkimit Europian ndaj komentatorit irlandez Chay Bowes.
Redaksia ZHURMA · · 1 min lexim
Kryeministri Edi Rama ka reaguar në rrjetet sociale pas vendimit të Bashkimit Europian për vendosjen e sanksioneve ndaj komentatorit dhe gazetarit irlandez Chay Bowes. Kreu i qeverisë shqiptare e ka cilësuar atë si një «klloun të propagandës ruse» që është paguar nga Rusia, duke ndarë në platformën X edhe postimet e tij rreth zhvillimeve në Tiranë.
Në postimet e shpërndara nga komentatori irlandez shfaqeshin pamje nga protestat në kryeqytet, ku pretendohej se mijëra qytetarë kërkojnë dorëheqjen e kryeministrit dhe se studentët u kanë vënë zjarrin ministrive e bankave, ndërsa u shkrua se kaosi po mbizotëron në qytet. Duke ironizuar qëndrimet e tij ndaj vendit tonë, Rama ka lidhur sulmet me ecurinë e Shqipërisë. «Po me Shqipërinë pse? Se Shqipëria e teproi me ngjitjen e saj lart dhe afrimin e shpejtë te objektivi historik: Anëtarësimi në Bashkimin Europian», u shpreh kryeministri.
Lexo edhe
Më shumë →Koleksione · të dhëna të verifikuara
Vazhdo me më të lexuarat sot
Përditësuar