Pse eurodeputetja bullgare Rada Lajkova akuzon policinë në Shkup?
Eurodeputetja bullgare reagoi ndaj djegies së automjeteve diplomatike në Shkup, duke pretenduar se gjuha maqedonase është thjesht një dialekt i bullgarishtes.
SHKUP — Eurodeputetja bullgare Rada Lajkova ka reaguar ashpër pas djegies së automjeteve diplomatike para Ambasadës Bullgare në Shkup, duke akuzuar institucionet e Maqedonisë së Veriut për neglizhencë. Lajkova pretendon se policia maqedonase dështoi të ndërhynte, ndonëse ngjarja ndodhi në prani të saj, duke lejuar autorin të vepronte pa pengesa.
Përtej incidentit të sigurisë, eurodeputetja shfrytëzoi rastin për të përsëritur tezat e vjetra të Sofjes zyrtare. Ajo deklaroi se gjuha maqedonase është vetëm një "dialekt i bullgarishtes" dhe pretendoi se një pjesë e historisë së vendit fqinj është falsifikuar gjatë periudhës së komunizmit jugosllav nën ndikimin e Beogradit.
Kjo retorikë e rëndë vjen në një kohë kur marrëdhëniet mes dy vendeve fqinje mbeten tejet të tensionuara. Këto përplasje diplomatike po vazhdojnë të mbajnë peng rrugën evropiane të Shkupit.
Burim: Telegrafi
— Redaksia ZHURMA