Qytetet pritëse të Botërorit 2026 nuk i kanë marrë fondet e premtuara nga FIFA
1 milion dollarë për secilin nga 11 qytetet pritëse u premtuan nga Infantino për fusha futbolli e projekte sociale.
SHBA — Qytetet pritëse të Kupës së Botës FIFA 2026 kanë kërkuar sqarime nga FIFA, pasi 1 milion dollarët e premtuar për secilin prej tyre para turneut nuk janë transferuar ende. Financimi u njoftua nga presidenti i FIFA-s, Gianni Infantino, për 11 qytetet pritëse amerikane, si mbështetje për ndërtimin e fushave të vogla të futbollit dhe projekte sociale.
Autoritetet lokale presin një përditësim mbi statusin e financimit, ndërsa FIFA nuk ka publikuar ende një deklaratë zyrtare për vonesën. Qytetet pritëse thonë se janë siguruar vazhdimisht se kontributi prej 1 milion dollarësh do të shpërndahet.
Qytetet që pritën ndeshjet e Botërorit ishin Seattle, San Francisko, Los Angeles, Dallas, Hjuston, Kansas City, Atlanta, Filadelfia, New York/New Jersey, Miami dhe Boston. FIFA-ja përfiton pjesën kryesore të të ardhurave nga biletat, të drejtat televizive dhe sponsorët, ndërsa qytetet pritëse mbulojnë pjesën më të madhe të kostove organizative — sigurinë, transportin dhe operacionet në stadiume e zonat e tifozëve.
Burim: Sinjali
— Redaksia ZHURMA