QSUT forcon bashkëpunimin me Turqinë për infrastrukturën spitalore
Drejtoresha Rudina Degjoni takoi ataqenë tregtare Tarik Aksoy dhe Kenan Sevinç për projekte të përbashkëta zhvillimi dhe shkëmbim ekspertize.
TIRANË — Qendra Spitalore Universitare "Nënë Tereza" forcon bashkëpunimin me Turqinë për zhvillimin e infrastrukturës spitalore dhe rritjen e cilësisë së shërbimeve shëndetësore. Drejtoresha e përgjithshme Rudina Degjoni u takua me Atashen Tregtar të Ambasadës së Turqisë, Tarik Aksoy, dhe kryetarin e Dhomës së Tregtisë dhe Industrisë Shqipëri–Turqi, Kenan Sevinç.
Gjatë takimit u diskutuan mundësitë e zgjerimit të bashkëpunimit në fusha me interes të përbashkët, duke përfshirë zhvillimin e infrastrukturës spitalore, shkëmbimin e ekspertizës dhe realizimin e projekteve që synojnë përmirësimin e mëtejshëm të shërbimeve në QSUT.
Degjoni theksoi se partneritete të tilla kontribuojnë në forcimin e marrëdhënieve mes dy vendeve dhe në ndërtimin e një sistemi shëndetësor më modern, ku pacienti mbetet në qendër të vëmendjes.
Burim: ATSH
— Redaksia ZHURMA