Pse Lewandowski zgjodhi Bayernin mbi Real Madridin?
Ish-agjenti i tij zbulon se sulmuesi polak kishte ofertë 20% më të mirë, por preferoi të ishte ylli kryesor në Gjermani.
MUNICH — Ish-agjenti i Robert Lewandowskit, Cezary Kucharski, ka zbuluar se sulmuesi polak ishte gati të nënshkruante me Real Madridin, por zgjodhi Bayern Munich për të mbetur ylli kryesor.
Kucharski deklaroi se kushtet financiare te Real Madridi ishin rreth 20% më të mira, por diferenca vendimtare ishte roli: "Është më mirë të jesh numri një te Bayerni sesa lojtari i 11-të ose i 12-të te Real Madridi". Lewandowski kishte pranuar anulimin e kontratës me Bayernin për të kaluar te Los Blancos, por agjenti i këshilloi të respektonte fjalën e dhënë.
Interesi i Realit vazhdoi edhe vite më vonë. Në 2018, një përfaqësues i Florentino Perezit i konfirmoi Kucharskit se do të bëhej një ofertë serioze nëse Lewandowski do të hapte bisedime me Bayernin. Megjithatë, sulmuesi mbeti në Gjermani, ku fitoi tetë kampionate rresht dhe u bë golashënuesi më i mirë i klubit.
Burim: Telegrafi
— Redaksia ZHURMA