Protestuesit kërkojnë arrestimin e Ramës para policisë së Tiranës
Turma protestuesish u ndal para Drejtorisë së Policisë së Tiranës, ku mbahet Ergys Agasi, duke brohoritur thirrje kundër kryeministrit.
Redaksia ZHURMA · · Përditësuar · 1 min lexim
TIRANË — Protestuesit janë ndalur përpara Drejtorisë së Policisë së Tiranës, ku ndodhet i shoqëruar biznesmeni Ergys Agasi pas arrestimit të tij të sotëm, duke brohoritur “O Ergys, o zagar, merre Ramën sa më parë!” dhe thirrje të tjera si “O Ergys, o tradhtar, merre Ramën sa më parë!” dhe “Arrestoni Ramën!”.
Marshimi i protestës së 88-të kundër qeverisë dhe kryeministrit Edi Rama vijoi përgjatë akseve kryesore të kryeqytetit, ndërsa qytetarët kërkuan që pas Agasit të arrestohet edhe kreu i qeverisë.
Agasi u arrestua në Durrës, në zonën e Plepave, teksa udhëtonte me automjet së bashku me Ulian Shpatarakun, i cili gjithashtu u arrestua. Ai ishte shpallur në kërkim nga Prokuroria e Posaçme në kuadër të hetimeve për dosjen e tenderëve të AKSHI-t.
