Si u shpëtua 46-vjeçari nga Prishtina që mbeti në det në Velipojë?

VELIPOJË — Policia Kufitare shqiptare ka shpëtuar një 46-vjeçar me inicialet A.B., banues në Prishtinë, i cili kishte mbetur në det për shkak të një defekti në motorin e skafit të tij. Shtetasi rrezikonte të mbytej në ujërat e lumit Buna.

Pas kërkimesh, shërbimet e Policisë Kufitare e lokalizuan mjetin lundrues (skaf tip "Morea") në thellësi të lumit, rreth 17 milje larg grykëderdhjes. Ata i dhanë ndihmën e nevojshme shtetasit dhe e shoqëruan të sigurt, bashkë me skafin, drejt vendstacionimit të mjeteve lundruese në Pulaj të Velipojës.

Burim: Gazeta Express
— Redaksia ZHURMA