Policia shqipton 375 gjoba

Policia në Pejë ka shqiptuar 375 gjoba ndaj drejtuesve të motoçikletave. Drejtoria Rajonale e Policisë në Pejë, Njësiti i Trafikut Rajonal, stacionet policore dhe Njësiti për Reagim të Shpejtë kanë zhvilluar plane operative për parandalimin e aksidenteve dhe rritjen e sigurisë në komunikacion.

Gjobat janë shqiptuar për kundërvajtje të ndryshme, përfshirë drejtimin e motoçikletës pa patentë shofer, pa regjistrim dhe pa helmetë. Policia ka njoftuar se aktivitetet në terren do të vazhdojnë edhe në ditët në vijim, me synim parandalimin e aksidenteve.

Policia Rajonale në Pejë ka deklaruar se do të ketë zero tolerancë ndaj të gjithë kundërvajtësve në komunikacion.