Kronikë e zezë
KOS
Si u kontrabanduan 2.898 litra vaj motorik në Podujevë?
Një traktor me rimorkio u kap në Herticë me 161 bidonë vaj të kontrabanduar nga Serbia; i dyshuari u lirua pas intervistimit.
Redaksia ZHURMA
10:46
Përditësuar 02:01
1 min lexim
PRISHTINË — Policia e Kosovës ka ndaluar një traktor me rimorkio në fshatin Herticë të Podujevës, të ngarkuar me 161 bidonë që përmbanin gjithsej 2.898 litra vaj motorik të kontrabanduar nga Serbia.
Malli i konfiskuar u dërgua në terminalin doganor në Merdar, ku Dogana e Kosovës do të vazhdojë procedurat e mëtejme, sipas njoftimit të Policisë.
Me autorizim të prokurorit të Shtetit, rasti u iniciua për veprat "Kalim i paautorizuar i vendkalimeve kufitare" dhe "Kontrabandim me mallra". Personi i dyshuar u lirua në procedurë të rregullt pas intervistimit, tha PK-ja.
Burim: Zëri
— Redaksia ZHURMA